Mơguah lơ 3/1, jơnum lăng nao rai amăng tivi hăng djop tơring čar pơƀut bruă mă thun 2022 hăng pok pơhai ngă tui hră klah čun mơ̆ng ping gah gơnong dlông, Hră pơtrun mơ̆ng khua pơ ala mơnuih ƀôn sang dêh čar tal 15 akŏ bruă pơđĭ kyar bơwih ƀong huă mơnuih mơnam thun 2023 pơ anăp. Pơhiăp ƀơi mông jơnum, Khua git gai ping gai ơi Nguyễn Phú Trọng lăi rơđah, Kơnuk kơna hăng djop ding jum anom bruă kiăng đing nao hloh ngă giong bruă čih pơkra tơlơi phiăn, pơblih bruă tuh pơ alin sĭ mơdrô, jak iâu tuh pơ alin tŭ yua hloh, hneč mă tơlơi gêh găl rŭ glăi bơwih ƀong huă pơđĭ kyar mơnuih mơnam hmar hăng hơđong kjăp.

Khua git gai ping gah ơi Nguyễn Phú Trọng lăng yôm thun 2022, Kơnuk kơna hơmâo gir run kiăng dưi tŭ mă boh tơhnal lu hloh kơ thun 2021 kah hăng tơlơi čang rơmang mơ̆ng Khua git gai Ping gah thun hlâo kơ anun. Ƀuh rơđah tơlơi bơwih ƀong huă dêh čar ta đĭ tui hmar, dưi ngă djop rơbêh 8%, lu hloh akŏ bruă jao mơ̆ng 6-6,5%, đĭ hloh hăng lu dêh čar amăng kual laih anun ƀơi rŏng lŏn tơnah. Khua git gai ping gah hơmâo pơčrông sai, amăng anun Kơnuk kơna đing nao ngă kjăp, kơtưn atur tơlơi bơwih ƀong huă lu hăng prong, sem lăng tong ten, pơđĭ tui bruă ngă kông ngăn dưi hơmâo hăng ngă pô amăng tơlơi bơwih ƀong huă.