Khul khua mua pơtong glăi bruă mă thun 2022 djop sang bruă tơgŭ kơđi ƀơi gưl dêh čar hơmâo ƀuh, khut khăt pơkơdong glăi hăng ƀing ngă soh, brơi tơgŭ kơđi lu tơlơi soh ƀong kông ngăn pơprong, kơtang biă mă hăng tơnap tap pơsir. Khua git gai ping gah ơi Nguyễn Phú Trọng rơkâo, pơ anăp anai djop sang bruă hơmâo tơlơi dưi ngă hrom djơ̆ hơdră, akŏ pơjing tơlơi phiăn mă bruă ngă hrom, kiăng ngă hiư̆m pă thâo hŭi, ƀu kiăng, ƀu ƀong kông ngăn, lui hĭ tơlơi hŭi gơgrong ba, hŭi kơ soh lơ̆m pok pơhai tơl ƀu khin ngă bruă.

Ơi Nguyễn Phú Trọng ăt pơčrâo rơđah, khom hơmâo hơdră mă bruă phara hloh, ƀing khua mua apăn akŏ git gai, wai lăng pơprong, jai kraih khom ba jơlan hlâo mă bruă tơpă, rơgoh. Ƀing ding kơna amăng Khul git gai pơgăn tơlơi soh ƀong kông ngăn dêh čar, khom ngă pô ba jơlan hlâo amăng bruă pơgăn tơlơi soh sat ƀông kông ngăn.