Khua git gai ping gah pơdah pran jua hok mơak tơlơi ngă giăng mah gum pơgôp hlom bom Việt Nam-Lao jai hrơi pơđĭ kyar, dơlăm tui, tŭ yua hăng ba glăi boh tơhnal djop bruă, djru hrom yôm biă mă djă bong kjăp tơlơi hơđong bruă kơđi čar, pơgang rơnuk rơnua dêh čar hăng pơtrut pơđĭ kyar bơwih ƀong huă mơnuih mơnam kơ rĭm boh dêh čar.

Pơ anăp adih, dua bơnah ping gah, dua boh dêh čar ăt kơtưn ngă hrom hăng pơđĭ tui boh tŭ yua ngă hrom kiăng ngă djơ̆ tơhnal pơkă kơ bruă phrâo, hrom hơbit kah pơpha, djru nao rai, găn rơgao tơlơi tơnap tap. Ơi Nguyễn Phú Trọng rơkâo dua boh anom bruă ping gah dêh čar ăt pơtrut ngă hrom tơlơi pơkôl mơ̆ng dua bơnah, djru nao rai bruă yôm, ngă tui tŭ yua hră pơkôl dua bơnah anom bruă dêh čar hăng tơlơi pơkôl khua mua dua bơnah ping gah, djru hrom poki pơhai ngă tui tŭ yua Hră pơtrun mơ̆ng jơnum ruah khua ping gah dua bơnah.