Jơnum WEF Davos tal anai lĕ sa bruă mă yom biă mă pioh kơ ƀing khua mua kơđi čar hăng ƀing ngă bruă sĭ mơdrô ƀơi rŏng lŏn tơnah hăng djop sang bruă mơnuih tơpuôl ƀuh ƀô̆ mơta amăng mông jơnum pơčrong sai hrŏm djop tơlơi bơbeč djơ̆ nao kơ mơnuih mơnam rơnuk rơgơi kơhnâo. Tui hăng anun, jơnum anai ƀing khua mua pơtum pơčrong sai hơdôm anŏ bơbeč djơ̆ mơ̆ng boh thâo ia rơgơi yua ană mơnuih pơjing rai hăng bruă pơđĭ kyar tơlơi bơwih ƀong huă, tơlơi pơđĭ kyar mơnuih mă bruă amăng djop sang măi, sang bruă pơkra ming gơnam tam pioh sĭ mơdrô, ăt kah hăng rŭ glăi tơlơi đăo kơnang amăng jar kmar.

Tal nao čuă anai, Khua dêh čar ơi Phạm Minh Chính amra hơmâo mông bưp dua bơnah hăng Khua mir sir dêh čar Thụy Sĩ pioh pơčrong sai lu hơdră ngă hrŏm dua bơnah hăng pơđĭ tui hơnơ̆ng ngă giăng mah kơ dua bơnah, laih dơ̆ng bưp ƀing ngă bruă sĭ mơdrô, khua mua hơdôm boh dêh čar, anom bruă jar kmar, ƀing ngă bruă sĭ mơdrô, tuh pơ alin pơprong ƀơi rŏng lŏn tơnah.