Khua ding jum ơi Tô Lâm pơdah pran jua đăo kơnang, ƀing khua anih jưh pơ ala, khua anom bruă pơ ala kơ Việt Nam ƀơi dêh čar tač rơngiao amra djă bong kjăp na nao tơlơi gơgrong ba, jing pô pơtruh nao rai bruă mă pơtom hiăp Việt Nam hăng tač rơngiao, pơđĭ tui kơnuih hiam mơ̆ng Việt Nam hăng gơyut gơyâo jar kmar laih anun anih ưh gơnang tong ten mơ̆ng mơnuih ƀôn sang Việt Nam dŏ ƀơi dêh čar tač rơngiao.

Khua ding jum ơi Tô Lâm lăng yôm bruă ngă hrom tong ten mơ̆ng Ding jum pơtom hiăp pioh kơ bruă ngă, rô nao rai hăng jar kmar mơ̆ng Ding jum kông an thun blan rơgao; lăi pơtong bruă mă pơtom hiăp mơ̆ng tơhan kông an lăi hrom hăng khua anih jưh pơ ala, khua anom bruă pơ ala Việt Nam dŏ ƀơi dêh čar tač rơngiao hnun mơ̆n ăt dưi đing nao, djru ba Ding jum kông an pok prong bruă ngă hrom hăng jar kmar.