Khua git gai ping gah ơi Tô Lâm hrŏm hăng lu khua mua amăng ping gah, kơnuk kơna nao ĕp lăng. 95 thun laih rơgao, mơ̆ng tơlơi bơngač pơčrang brơi mơ̆ng Ping gah hăng Wa Hồ hing ang, djuai ania Việt Nam kơjăp yak nao pơ anăp, găn rơgao lu tơlơi tơnap tap, dưi akŏ pơjing rai lu boh tơhnal čih pioh amăng gru phun dêh čar. Amăng mông mơak čơkă thun phrâo bơyan phang bơnga čuh lu mơta ia iom hiam rô̆, bă hăng tơlơi čang rơmang, pran jua ană mơnuih hik hăk đăo kơnang hlom bom hăng ping gah, mut tơma tơlơi kiăng nao dĭ da gla kơñ lŏn ia ta bơngač hloh.

Ƀơi mông ĕp jơlan hơdră anai, ƀing khua mua hăng mơnuih ƀôn sang ĕp tơlơi suang pơhrôp hăng adoh bơni mơak hơdôm tơlơi adoh Ping gah Cộng sản Việt Nam, ta juăt iâu klah čun ping gah Việt Nam ta hmư̆ hing, bơni kơ Khua mir sir Hồ Chí Minh mơnuih rơgơi kơhnâo, thâo mơbruă prong prin; bơni kơ plơi pla dêh čar, lŏn ia kah hăng tơlơi adoh “Đất nước” tơlơi pơtưh mơ̆ng Tạ Hữu Yên, pô pơčeh er tơlơi adoh Phạm Minh Tuấn; tơlơi adoh “Dáng đứng Việt Nam” tơlơi pơtưh mơ̆ng Lê Xuân Anh, er tơlơi adoh mơ̆ng Nguyễn Chí Vũ; tơlơi adoh “Giai điệu Tổ quốc” mơ̆ng Trần Tiến; tơlơi adoh ‘Đảng đã cho ta một mùa xuân” mơ̆ng Phạm Tuyên pô pơčeh; tơlơi adoh “Ca ngợi Hồ Chú tịch” mơ̆ng Văn Cao; tơlơi adoh “Người là niềm tin tất thắng” Chu Minh pô pơčeh. Hăng gru kơpal čih pioh 95 thun ping gah git gai, ƀing ta hơmâo tơlơi pơ-ư ang prong, ăt đăo kơnang tong ten sa pran jua kơ tơlơi git gai lŏn ia mơ̆ng ping gah, kiăng yak nao amăng rơnuk phrâo djuai ania ta hrưn đĭ mă pô.