Khua ding jum ơi Tô Lâm lăi, Việt Nam lăng kơ dêh čar Mi lĕ sa amăng hơdôm bơnah ngă bruă mrô sa, brơi thâo dơ̆ng, bruă akŏ pơjing hăng pok pơhai lu jơlan hơdră, tơlơi phiăn phrâo mơ̆ng Việt Nam pơgang boh tŭ yua, hơdôm tơlơi pơkă mơ̆ng jar kmar laih anun djơ̆ hăng tơlơi phiăn phun ƀơi Việt Nam. Amăng anun, pơgang boh tŭ yua kơ mơnuih mă bruă kiăng ngă djơ̆ tơlơi phiăn mơ̆ng Sang bruă wai lăng bruă mă jar kmar; bruă djru pơthâo tơlơi pơhing mrô rơnoh găn rơgao ƀơi guai dêh čar lĕ, ngă djơ̆ hơdră đăo kơnang tong ten tơdruă.

Kiăng pơjing atur mă bruă, yak nao phrâo, pơtrut hloh bruă ngă hrom bơwih ƀong huă-sĭ mơdrô-tuh pơ alin kơplah wah dua boh dêh čar pơ anăp, Khua ding jum ơi Tô Lâm rơkâo anom bruă pơ ala sĭ mơdrô dêh čar Mi ăt djă bong tơlơi gơgrong ba ngă pô pơtruh nao rai yôm kơplah wah Kơnuk kơna dua bơnah dêh čar pioh kơtưn bruă ngă giăng mah hlom bom Việt Nam-Mi tŭ yua hloh.