Kơ-iăng Khua git gai pơ ala mơnuih ƀôn sang dêh čar, ơi Trần Thanh Mẫn hơmâo mơ-it tơlơi bơni hơ-ơč, mơak klă truh kơ Khua ơi Khop Giuse Nguyễn Chí Linh, Khua git gai phun amăng tơring đăo Khop Huế hăng ƀing khua ơi khop, laih anun ƀing djru đăo khop amăng hrơi Noel anai rơnuk rơnua mơak klă. Khua ơi khop Giuse Nguyễn Chí Linh, khua wai lăng tơring đăo Huế bơni lu biă mă tơlơi đing nao mơ̆ng Ping gah, Kơnuk kơna, Anom bruă djop djuai ania mơnuih mơnam Việt Nam hăng drơi pô ñu Kơ-iăng Khua git gai pơ ala mơnuih ƀôn sang dêh čar ơi Trần Thanh Mẫn.

Tơlơi đing nao mơ̆ng djop gưl gong gai kơnuk kơna hơmâo bang mơak, ba tơlơi hiam pơpŭ kơ abih bang ƀing đăo, mơ̆ng anun akŏ pơjing tơlơi thâo hluh, rĭm čô mơnuih ƀôn sang đăo hơgĕt hai ăt khom hơmâo tơlơi glăm ba, hrom hơbit akŏ pơdong wai pơgang lŏn ia dêh čar djuai ania jai hrơi klă hiam hloh, pơgang anih ta dŏ hơdip mơda hơđong kjăp. Bơyan Noel thun anai ƀu kơnong hơjăn anih tơring đăo ƀơi Huế ôh đôč ôh, jing tơlơi mơak kơ abih bang mơnuih mơnam, pơdah rai pran jua tơlơi khăp gum pơgôp, tŭ ư nao rai amăng sa tơlơi pơmin bruă mă.