Ƀơi mông tŭ jum, dua bơnah hơmâo lăi nao bruă brơi khua mua, grup khua mua djop gưl čuă jơmư bưp tơdruă; hơdai gum hrŏm lu hloh hăng dong yua tơdruă amăng mông jơnum lu bơnah dêh čar, biă mă ñu ƀơi sang gum hơbit djop dêh čar, khul ngă hrŏm ƀu sit nik, khul djop dêh čar pơhiăp tơlơi Prang.....Lăi nao bruă ngă hrŏm dua bơnah dêh čar amăng bruă tuh pơ alin, bơwih ƀong huă, sĭ mơdrô dŏ ƀiă đơi, Khua git gai pơ ala mơnuih ƀôn sang dêh čar ta rơkâo, dua bơnah brơi kơtưn hloh pơblih nao rai, pơčrong sai ĕp anih anom sĭ mơdrô, djru ngă gêh găl brơi dua bơnah lăi pơthâo anŏ kơtang mơ̆ng pô amăng bruă ngă hmua.

Việt Nam amra djru hrŏm hăng dêh čar Kamerun hơduah ĕp sang bruă tuh pơ alin mơ̆ng dêh čar tal klâo brơi kơ hơdôm kơčăo bruă ngă hrŏm pơđĭ kyar đang hmua 3 bơnah ƀơi dêh čar Kamerun. Dua bơnah tañ pơphun glăi jơnum pơčrong lu hră pơkôl yom kah hăng: pơtrut pơsur hăng pơgang ba bruă tuh pơ alin, kiăng huăi duh jia dua wơ̆t....pơjing rai tơlơi phiăn pơkă djơ̆ găl kơ dua bơnah ngă hrŏm.