Hăng pran jua mă bruă gum pơgôp, pơčeh phrâo, pơblih na nao, Ping gah Khul djop sang bruă sĭ mơdrô gơnong dlông hơmâo gum sa pran jua, mut tơma hrom ai hơtai amăng bruă mă, gir run găn rơgao hĭ tơlơi tơnap tap lông lăng; pơtum pok pơhai lu hơdră pơsir khut khăt, ngă tui klă bruă mă akŏ pơdong ping gah hăng khua mua git gai djă hnong, rŭ glăi, pơđĭ kyar lu bruă mă pơkra ming sĭ mơdrô mơ̆ng djop sang bruă amăng Khul.

Đĭ pơhiăp git gai jơnum, Khua anom bơwih ƀong huă mơ̆ng ping gah gơnong dlông, ơi Trần Tuấn Anh lăi rơđah, thun blan pơ anăp, Ping gah Khul wai lăng djop anom bruă sĭ mơdrô ƀơi djop gưl, khua mua git gai wai lăng sang bruă sĭ mơdrô, sang bruă prăk amăng Khul gah anom bruă sĭ mơdrô ƀơi Gơnong dlông kiăng git gai, pơčrâo ba bruă mă ngă tui djơ̆ bruă akŏ pơdong ping gah, pơđĭ tui tơlơi thâo mă bruă hăng pran jua blah ngă amăng Ping gah. Pơblih phrâo boh yôm phun, hơdră mă bruă, tơlơi mă bruă, pơđĭ tui tŭ yua amăng bruă kơđi čar, tơlơi pơmin lơ̆m pok pơhai bruă mă.