Pơhiăp črâo ba mông jơnum, ơi Võ Văn Thưởng, lăi rơđah pơ̆ anăp anai, tơlơi jar kơmar hăng amăng lŏn ia hmâo hơdôm tơhnal gal hăng tơlơi lông dong, tơlơi gêh gal hăng tơnap tap plah nao rai, bruă mă ba tơbiă kơ bruă pơtom hiăp lĕ prong biă.

Hăng pran jua anun, ơi Võ Văn Thưởng rơkâo Grŭp pơtom hiăp dêh čar ta khom lăi pơthâo abih dong, pơphun pok pơhai ba glăi bôh tơhnal jơlan gah pơtom hiăp mơng Jơnum tal 13 hăng hơdôm tơlơi Pơtrun pơsit, črâo ba mơng Ding jum kơđi čar hăng Grŭp ding kơna Ping gah bơdjơ̆ nao truh bruă pơtom hiăp, pơplih phrâo jing hơdôm akô̆ bruă, jơlan hơdră, kơčăo bruă lăp djơ̆ hăng bôh nik. Hrom hăng anun đing nao bruă pơphô ngă tui, pơtrut tơlơi rô nao rai hăng hơdôm bôh dêh čar nao dơlăm dong, hơđong, sit nik, kơjăp sui thun./.