Mơguah lơ 2/3/2023, amăng jơnum ƀu tui tơđar lok 4, Khua pơ ala mơnuih ƀon sang dêh čar tal XV hơmâo sem lăng, pơsit bruă ruah khua mua pơprong kiăng kơ ruah Khua mir sir Cộng hòa xã hội chủ nghĩa Việt Nam rơwang thun 2021-2026. Tui anun, Ơi Võ Văn Thưởng, Ding kơna Ding jum kơđi čar, Khua apăn bruă Ping gah dêh čar tal XIII, Khua pơ ala mơnuih ƀon sang dêh čar tal XV hơmâo ruah đĭ ngă Khua mir sir hăng 487/488 pok hră dong yua mơng Khua pơ ala mơnuih ƀon sang dêh čar (dưm dưm 98,38%).

Amăng tơlơi pơhiăp lơ̆m đĭ apăn bruă tơdơi anun, Khua mir sir ơi Võ Văn Thưởng pơsit tong amra ƀu pơdơi pơjing hăng ngă tui pran kơtang gum pơgôp djop djuai ania, đing tơngia hmư̆ tơlơi pơgôp hiăp yua kơ mơnuih ƀon sang, yua kơ lŏn ia mơng abih bang mơnuih Việt Nam khăp kơ lŏn ia; hruă kjăp, dơlăm tơlơi pơmĭn “mơnuih ƀon sang lĕ akŏ phun”, lăng tơlơi dưi djơ̆ hăng tơlơi phiăn laih dong sit nik mơng mơnuih ƀon sang lĕ akŏ phun, anai lĕ hơnong pơkă yôm phăn mơng hơdôm tơlơi pơtrun, “Bruă hơget ba glăi tơlơi dưi kơ mơnuih ƀon sang, ta kiăng ngă abih pran jua. Bruă hơget ba glăi tơlơi sat, ta khŏm bĕ hĭ mơtăm”. Khut khăt pơgang, pơgăn hưp ƀong kông ngăn, bruă ngă soh; pơplih ha amăng plĕ hơdră bruă pơđĭ kyar hơđong kjăp; pơjing anih anom bruă mă tơpă sit, hơđong kjăp.