Ơi Vương Đình Huệ Khua git gai pơ ala mơnuih ƀôn sang dêh čar ta bơni hơ-ơč hơdôm boh tơhnal prong prin, hlom bom mơ̆ Ping gah, Kơnuk kơna dêh čar Lao lăi hrom, khua mua pơ ala mơnuih ƀôn sang dêh čar Lao hnun mơ̆n hơmâo tŭ mă laih thun blan rơgao; pơtong rơđah hơdôm bruă mơ̆ grup hyu mă bruă rai čuă jơmư hăng kiăng tơña nao kơ bruă mă, anun lĕ pơphun bruă mă amăng sang bruă khua pơ ala mơnuih ƀôn sang, gong gai kơnuk kơna dêh čar hăng djop tơring čar.

Ơi Vương Đình Huệ, Khua git gai pơ ala mơnuih ƀôn sang dêh čar ta lăi pơtong, khua mua pơ ala mơnuih ƀôn sang Việt Nam amra ngă hrom kah pơpha tơlơi thâo thăi hăng khua mua pơ ala mơnuih ƀôn sang dêh čar Lao laih anun kiăng biă mă hrăm tui hơdră ngă bruă hiam klă, djơ̆ lăp gah dêh čar Lao tom ngă, kiăng khua mua pơ ala mơnuih ƀôn sang Việt Nam mă bruă jai hrơi tŭ yua hloh. Amăng thun 2023, khua mua pơ ala mơnuih ƀôn sang dêh čar Lao hơmâo pơtum pơblih phrâo hơdră mă bruă hăng pơđĭ tui boh tŭ yua amăng bruă, pơphun plĕ hră ĕp lăng tơlơi đăo kơnang hăng ƀing khua mua mơ̆ yua anom bruă khua pơ ala mơnuih ƀôn sang dêh čar ruah, pơsit amăng thun 2023.