Tlam lơ 3/3, ƀơi Hà Nội, Ping gah khul hơdôm anom bơwih ƀong Kơnuk kơna pơphun jơnum kơsem min, hrăm tui, tŭ ư hrŏm laih anun pôr pơthâo kơ tơlơi hơmâo amăng hơdrôm hră “Khut khăt, gir kơtir pơgang hưp ham ƀong kông ngăn, tơlơi soh sat, djru akŏ pơdong Ping gah hăng Kơnuk kơna ta jai hrơi klă tui, hơđong kơjăp” mơng Khua git gai Ping gah ơi Nguyễn Phú Trọng.

Pơhiăp ƀơi mông jơnum, Kơ-iăng khua ping gah Khul hơdôm anom bơwih ƀong Kơnuk kơna Lê Văn Châu kiăng hơdôm anom bruă, khul grup ping gah amăng Ping gah khul anom bơwih ƀong kiăng kơsem min, hrăm tui hloh dong tơlơi pơtô ba mơng hơdrôm hră pơlir hăng bruă ngă djơ̆ hrŏm hơdôm tơlơi pơčrâo trun, tơlơi phiăn, tơlơi pơkôl pơkă mơng Ping gah, tơlơi phiăn mơng Kơnuk kơna kơ bruă pơgang, pơgăn hưp ham ƀong kông ngăn, pơgang tơlơi soh glăi kơ ƀing khua,mơnuih ping gah amăng anom bơwih ƀong, khul grup ngă bruă.  Hrŏm hăng anun, ba bruă hrăm tui hơdrôm hră anai amăng mông jơnum grup ping gah tui tơđar, jơnum kiăo tui akŏ bruă đah mơng pơplih kơtang amăng tơlơi pơmin, kiang abih bang mơnuih ping gah thâo hluh hlong ngă bruă mă pô, bruă mă mơng abih bang khua, mơnuih ping gah khŏm djơ̆ hrŏm amăng bruă pơgang hưp ham ƀong kông ngăn, tơlơi soh glăi.