Tui tơlơi pơtrun mrô 1193 mơng Jơnum min apăn bruă Khua pơ ala mơnuih ƀôn sang dêh čar kơ bruă dưm dăp anih anom mă bruă gưl să amăng tơring čar Dak Lak rơwang thun 2023-2025, plơi prong Buôn Hồ, tơring čar Dak Lak hơmâo pơplih, pơmut rơbêh 30 km karê lŏn mơnai hăng giăm 3.500 čô mơnuih mơng să Ea Blang pơmut nao 2 să anun lĕ  Ea Siên hăng Ea Drông.

Kiăng djru brơi mơnuih ƀôn sang pơplih glăi hră pơ-ar tơdơi kơ pơmut să kiăng kơ tañ hloh, anom bruă bơdjơ̆ nao hơmâo nao tơl să pơplih glăi căn cước công dân hăng pơplih glăi bruă mă yua lŏn mơnai; amăng anun lu hloh lĕ pơplih glăi anih lŏn mơnai, anih dŏ kơ mơnuih ƀôn sang. Ƀu kiăng nao nô̆p hră pơ-ar ƀơi anom mă bruă sa boh amăng plơi prong, mơnuih ƀôn sang kơnong nô̆p hră pơ-ar hăng nao mă glăi ƀơi sang gru grua să Ea Drông. Bruă ngă anai ngă hrưn đĭ klă dong bruă ngă hră pơ-ar hăng djru mơnuih ƀôn sang, ngă tui tŭ yua bruă ngă hră pơ-ar, ngă gêh gal brơi mơnuih ƀôn sang. Him lăng, kơnong amăng ha wŏt hrơi tơjuh, hơdôm hră pơ-ar kiăng pơplih glăi amra ngă pơgiong.