Kiăng pơhlôm brơi tơlơi Jơnum kơphê Buôn Ma Thuột tal 8 jing anih “prăp brơi klă, rơnuk rơnua, jê̆ giăm, ƀu-eng kơ tuai” plơi prong Buôn Ma Thuột, Dak Lăk glăk hơmâo lu bruă pơhlôm anih čuă ngui, plơi prong hiam, sa amăng hơdôm bruă yôm anun lĕ tơlơi ngă hrŏm mơng hơdôm anom bruă, gong gai, mơnuih ƀon sang kiăng pơgăn arăng rơkâo dan, hơdui ba tuai.

Tui anun, plơi prong Buôn Ma Thuột git gai hơdôm anom bruă bơdjơ̆ nao, Jơnum min mơnuih ƀon sang hơdôm boh phường, să pơƀut ngă, pơgăn arăng rơkâo dan pơ anih tuai rơbat hyu. Biă ñu kiăng pơgăn ƀing rơkâo dan, rơbat hyu ča amăng hrơi jơnum ngui kơphê Buôn Ma Thuột tal 8 thun 2023. Laih dong, pơgăn hĭ bruă arăng plư ƀing rơkâo dan, ƀing juăt rơbat hyu ča kiăng nao tơña prăk tuai, ngă kơ mơnuih ƀon sang hil yua.