Hlâo kơ nao ngă lơphet, Pô pơ ala Khua mir sir yă Võ Thị Ánh Xuân hăng ƀing khua mua tŭi ñang, pioh hơdor, pơpŭ bơni Hai Bà Trưng, dua čô đah kơmơi sông kơtang mơng djuai ania ta.

Đĭ pơhiăp amăng mông ngă lơphet, pô pơ ala Khua mir sir yă Võ Thị Ánh Xuân hơdor glăi gru grua blah dưi hing ang mơng Hai Bà Trưng, ñu lăi pơtong, tal kơsung blah rơnuk Hai Bà Trưng yôm phăn biă mă, hơmâo pioh glăi kơ djuai ania ta gru grua blah wang yôm phăn; anai lĕ tơlơi pơhrăm mơng rơnuk ơi yă, ngă tui pran gum pơgôp djop djuai ania, pran sông kơtang, thâo rơgơi, ngă pô mơng mơnuih ƀon sang lăi hrŏm hăng đah kơmơi Việt Nam hnun mơn amăng djop rơnuk pơjing hăng wai pơgang lŏn ia mơng djuai ania ta.