Hrom hăng Trung tướng, ling tơhan sông kơtang mơnuih ƀôn sang Phạm Tuân, pô blung a mơng Việt Nam por đĭ hăng dlông rơngit adai hmâo gum hrom “Djru tơlơi čang rơmang kơ hlăk ai tơdăm ngek dra muai Tŭ Mơrông” dô̆ hmâo hơdôm mơnuih ană bă djuai ania Hơdang bôh than mơng tơring glông, ră anai bruă amăng lu gơnong bruă pha ra.

Hluai tui hơdôm tơlơi ruai ol kơdol pran jua yak rơgao tơlơi tơnap hrưn đĭ amăng tơlơi hơdip mơda, amăng hrăm hră mơng drơi pô, ƀing tuai jak iâu gum hrom jơlan hơdră “djru brơi dong” kơ čơđai sang hră phĭng kơ pran kiăo tui tơlơi čang rơmang mơng pô. Amăng jơlan hơdră ƀing tuai jak iâu hăng Jơnum min mơnuih ƀôn sang tơring glông Tu Mơrông hmâo ƀơk laih 110 anung prăk djru hrăm hră hăng abih bang nua ñu 55 klăk prăk kơ 110 čô čơđai sang hră rơgơi. Trung tướng, ling tơhan sông kơtang mơnuih ƀôn sang Phạm Tuân brơi thâo, ñu mơ-ak biă lom dưi gum hrom jơlan hơdră hăng pioh tơlơi pơtă pơtăn yôm phăn djru ƀing čơđai hmâo dong pran đăo gơnang kơ tơlơi ruah mă pơgi kơdih anai mơng pô./.