Ƀơi ƀuôn Trấp, să Čư̆ Mgar, hơdôm glông jơlan anet hơmâo ia iŏm mơtah hiam biă mă yua hơmâo kyâo tơui pơging, hơmâo bơnga čuh mriah ƀhêm gah yŭ pơ-iă pơčrang. Hloh dong lĕ rup hla kơ mriah pơtŭ kơnĭ por đơhet amăng angin, ngă hiam hloh kơ plơi pla, djă gru pơ-ư pơ-ang djuai ania. H’Hằng Êban, sa čô hlăk ai ƀuôn Trấp brơi thâo:“Hơmâo jao bruă atôl hla gru dêh čar ƀơi djŏp glông jơlan amăng plơi, kâo mơ-ak biă mă. Bruă atôl hla gru jing kâo thâo hluh hloh kơ gru grua ngă hơkrŭ mơ̆ng djuai ania, kơ gru grua Ping gah laih dong jai khăp hloh kơ plơi pla”.

Glông jơlan atôl hla kơ amăng ƀuôn Trấp glông 1km, mơ̆ng hrơi Jơnum gum pơgôp abih bang djuai ania, tơdơi kơ anun hơmâo ngă amăng hrơi Jơnum Ping gah dong. Khua plơi Y Suinh Byă lăi:“Lơ̆m kơnuk kơna kiăng akă yôl đĭ hla kơ hla gru čar ta, neh met wa hok mơ-ak biă mă. Rim boh sang blơi hla kơ mă pô, akă yôl đĭ mă pô mơn. Bơ hla kơ Ping gah lĕ pô sang ƀơi mut amăng ping gah sang pô anun akă yôl đĭ, bơ hla kơ čar ta lĕ djŏp sang yơh akă yôl, či pơpŭ kơ lŏn ia”.

Mơ̆ng ƀuôn Trấp, hơbô̆ bruă pơhrup hiam jơlan akă hla gru dêh čar hơmâo bang hyu djŏp anih. Să Čư̆ Mgar, ră anai hơmâo 7 km jơlan akă hla kơ, hơmâo akă ƀơi jơlan prong wơ̆t hăng ƀơi abih bang 11 boh plơi. Yă Hồ Thị Thanh Hải, Kơ-iăng khua ping gah să Čư̆ Mgar, lăi:“Ră anai abih bang 11 boh plơi lêng kơ pơkra ming hiam jơlan nao rai hơmâo akă hla kơ, laih anun akă yôl đĭ hla kơ Lŏn ia, hla kơ Ping gah phrâo ƀơi hơdôm glông jơlan. Lơ̆m ƀing ta nao rai pơ jơlan hơmâo hla kơ ta lăng pran jua pơhưč pơhač, mơak mơai biă mă, anun ăt jing sa amăng hơdôm bruă akŏ pơjing khul gum pơgôp djuai ania ăt kah hăng pơgang ba Lŏn ia”.

Ƀơi plơi Tiến Thịnh, să Quảng Tiến, tơring glông Čư̆ Mgar, rim boh sang anŏ lêng kơ akă hla kơ ƀơi anăp sang amăng hrơi ngă lơphet prong, biă ñu amăng hrơi Tê̆t thun phrâo hăng hrơi akŏ pơjing Ping gah. Hăng giăm 400 boh sang anŏ, plơi Tiến Thịnh jing sa amăng hơdôm boh plơi blung a ngă tui hơbô̆ bruă jơlan hla kơ ngă gru. Ơi Nguyễn Tấn Chờ, khua plơi plơi Tiến Thịnh brơi thâo:“Lơ̆m hơmâo sa boh plơi hơmâo jơlan akă hla gru dêh čar jing tơlơi pơ-ư pơ-ang mơ̆ng plơi pla. Jơlan hla kơ plơi Tiến Thịnh jing plơi blung a pơkra jơlan hla ko, hơmâo jơlan hla kơ ngă gru mơ̆ng tơring glông. Ta pơpŭ kơ hla kơ ăt kar hăng ta pơpŭ kơ Lŏn ia mơn, anun jing akă hla kơ hăng abih pran jua khăp ƀu-eng”.

Hơbô̆ bruă jơlan akă hla kơ ƀơi plơi Tiến Thịnh, să Quảng Tiến hơmâo pơphun mơ̆ng thun 2016, tơdơi kơ anun hơmâo ngă ƀơi djŏp plơi pla hlao. Yă Nguyễn Thị Thanh Vân, Kơ-iăng khua Jơnum min mơnuih ƀôn sang să Quảng Tiên lăi:“Hlâo adih rim čô mơnuih amăng plơi atôl hla kơ tui hluai gơñu hor mơn, tơdơi kơ anun hơmâo pơphun ngă ƀơi 6 amăng 6 boh plơi mơtăm, akă atôl hla kơ, truh ră anai hơmâo jơlan hla kơ laih anun abih bang lêng kơ ngă tui”.

Jơlan hla gru hla kơ ƀơi tơring glông Čư̆ Mgar râu mơdưh pran jua pơ-ư pơ-ang djuai ania, pơtrut pran jua kơtưn bơwih ƀong, gru grua amăng tơring. Ơi Nguyễn Thiên, Kơ-iăng khua ping gah tơring glông Čư̆ Mgar brơi thâo:“Hơdôm boh să, tơring kual pơkra jơlan hla kơ mơ̆ng thun 2020 laih. Blung a lĕ akă ƀơi hơdôm arăt jơlan phun, giăm ƀơi să, ră anai hơmâo hơdôm boh să, tơring kual pok prong tui, akă hla kơ ƀơi hơdôm arăt jơlan amăng plơi pla. Pơkra jơlan hla kơ či pôr pơhing kơ Jơnum ping gah djŏp gưl rah, ƀrô ngă gêh gal hloh kơ bruă pôr pơhing amăng hrơi ngă lơphet mơ̆ng lŏn ia ta”.

Hơdôm glông jơlan ƀhêm ia iŏm hla kơ mriah pơtŭ kơñĭ por đơhet hăng adai bơyan bơnga pơsit brơi tơlơi hơdip mơak klă, truh kih amăng bruă man pơdong plơi pla phrâo ƀơi Čư̆ Mgar, Dak Lăk jai hrơi pơdrong sah, rơgơi mơbruă.