Pơčrong glăi hơdră Hồ Chí Minh pơtom hiăp pioh ngă tui hơdră pơtom hiăp ping gah tal XIII
Thứ sáu, 10:08, 19/05/2023
VOV/Nay Jek pơblang
VOV/Nay Jek pơblang
VOV4.Jarai-Ƀrô hơdor glăi tal 133 thun hrơi tơkeng kơ Khua mir sir Hồ Chí Minh lơ 19/5/1890-lơ 19/5/2023, mơguah lơ 18/5 ƀơi Hà Nội, Ding jum pơtom hiăp jơnum pơčrong sai ngă tui tơlơi pơmin Hồ Chí Minh amăng bruă pok pơhai jơlan hơdră pơtom hiăp Ping gah tal XIII.
Ƀơi mông jơnum bơkơtuai, lu tơlơi pơgôp hiăp, tơlơi čih ba tơbiă hơmâo lăi rơđah rơđong boh yôm phun, tơlơi dŏ dong ƀong huă hăng hơdră pơtom hiăp rơgơi mơ̆ng Hồ Chí Minh tui hăng bơnah lăng nao phrâo. Laih dơ̆ng, lu tơlơi pơgôp hiăp pơhmutu hăng bruă mă ră anai, lăng yôm bruă ngă sit nik lơ̆m hla tui tơlơi pơmin Hồ Chí Minh amăng bruă pơsir bruă ngă rĭm hrơi.
Pơhiăp pơđut jơnum pơčrong, Khua ding jum pơtom hiăp ơi Bùi Thanh Sơn čih pioh hơdôm tơlơi pơgôp hiăp yôm, mơ̆ng mông pơčrong anai djru čih pioh lu tơlơi thâo thăi kơ ƀing khua mua, mơnuih apăn bruă pơtom hiăp, kiăng thâo dơlăm hloh anŏ yôm mơ̆ng tơlơi pơmin pơtom hiăp Khua mir sir Hồ Chí Minh đưm pioh ngă tui bruă mă ră anai djơ̆ găl hloh.
Viết bình luận