Bruă jơnum pơsit rơgao kơ 20 thun ngă tui tơlơi pơtrun pơsit mrô 23 hăng hơdôm hơdră pơtrun mơng Ping gah kơ gum hrom hơbit abih bang djuai ania hmâo laih lu bôh tơhnal klă. Jơnum min djop djuai ania mơnuih mơnam hăng hơdôm khul grŭp mơnuih ƀôn sang pơplih phrâo dong bôh yôm hăng jơlan gah bruă pơsur lu mơnuih ƀôn sang gum hrom bruă bơkơtưn khăp kơ lŏn ia; gơgrong hlâo gum hrom lăng tui hăng lăi glăi mơng mơnuih mơnam; ngă klă bruă tô nao rai kơplah wah Ping gah, Kơnuk kơna hăng mơnuih ƀôn sang”.

Khă hnun hai, pran kơtang gum hrom hơbit abih bang djuai ania djơ̆ anô̆ ñu, hmâo anih đa akă dưi đing nao ngă tui tum djop. Hơdôm ngăn rơnoh, tơhnal gal pơčeh phrâo mơng mơnuih ƀôn sang amăng bruă pơdŏng hăng pơgang lŏn ia akă dưi ngă tui klă. Amăng mông tơlơi ƀơi rŏng lŏn tơnah hăng amăng kual pơ̆ anăp anai glêh tơnap hăng tơnap pơkă lăng hlâo, hơdôm tơlơi gum pơhiăp lăi pơthâo amăng mông jơnum ba tơbiă kiăng tañ mă yua tơlơi pơtrun pơsit phrâo pơ ala nao Tơlơi pơtrun pơsit 23, kiăng ngă tui dong pran kơtang gum hrom hơbit abih bang djuai ania amăng rơwang phrâo ră anai. Ƀing Khua pơ ala ăt lăi mơn, kiăng pơdŏng pran gum hrom hơbit abih bang djuai ania lĕ drơi pô Ping gah khom klă hiam, kơjăp kơtang, khom ngă gru hlâo./.