Ƀơi mông jơnum, pok pơhai akŏ bruă thun 2023 kơ bruă pơhlôm hơdjă mơnong ƀong huă yua Ding jum Bruă hmua hăng pơđĭ kyar plơi pla ngă hrom Jơnum min mơnuih ƀôn sang ƀôn prong Hà Nội pơphun lơ 6/1, Kơ-iăng khua ding jum Bruă hmua hăng Pơđĭ kyar plơi pla ơi Trần Thanh Nam rơkâo, kơtưn pơhlôm pơgang hơdjă mơnong ƀong huă amăng bơyan ngă yang thun phrâo Quý Mão thun 2023. Pơhiăp ƀơi mông jơnum,  Kơ-iăng Khua ding jum Bruă hmua hăng pơđĭ kyar plơi pla ơi Trần Thanh Nam brơi thâo, kiăng pơhlôm hơdjă mơnong ƀong huă sĭ mơdrô amăng bơyan ngă yang thun phrâo Tết Quý Mão thun 2023, Ding jum anai hơmâo git gai akŏ pơjing lu grup hyu ĕp lăng pơ ƀôn prong pơprong. 

Laih hyu ĕp lăng brơi ƀuh, gơnam tam sĭ mơdrô amăng bơyan tết ăt djop anŏ pơkă hơdjă rơgoh mơ̆n pioh sĭ kơ bơyan ƀong têt Qúy Mão thun 2023. Tơlơi đing nao hloh mông anai lĕ khom pơgang hơdjă rơnuk rơnua mơnong ƀong huă sĭ amăng bơyan têt amăng djop sang čơ, sang sĭ mơdrô.