Pơhiăp amăng mông ngă lơphet pok phun, ơi Võ Văn Thưởng – Ding kơna Ding jum kơđi čar, Khua grŭp git gai bruă Ping gah dêh čar pơsit, Ping gah ta pơsit, mơnuih apăn bruă lĕ pô pơsit tơlơi jing hă ƀu jing mơng bruă hơkrŭ. Pơdŏng khul mơnuih apăn bruă, biă ñu mơnuih mă bruă yôm phăn ba jơlan hlâo, jing bruă mă yôm mơng Ping gah, khom dưi pơphun na nao, kơđiăng, hmâo jơlan gah, kơjăp hăng ba glăi bôh tơhnal.

Tuh pơplai pơjing khul mơnuih apăn bruă lĕ tuh pơplai hăng Ding kơna Grŭp mă bruă Ping gah dêh čar tal 13 tal anai hmâo lu tơlơi pơplih phrâo kơ bôh yôm jơlan hơdră, pơphun anih hrăm. Biă ñu bruă ruah mă 29 akô̆ bruă hmâo lu bôh yôm pơphăn nao hrom hăng hơdôm tơlơi phun amăng hră pơ-ar Jơnum đơ đam dêh čar tal 13 mơng Ping gah, hơdôm Tơlơi pơtrun pơsit jơnum ping gah dêh čar tal 13 kơ pơdŏng Ping gah hăng Kơnuk kơna, bruă pơđĭ kyar bơwih ƀong, mơnuih mơnam, bôh thâo, ană mơnuih Việt Nam, bruă pơgang rơnuk rơnua plơi pla, lŏn ia hăng pơtom hiăp, bruă bôh thâo phrâo, git gai wai lăng amăng anih anom phrâo./.