Ƀơi mông jơnum anai, ƀing pơ ala mơnuih ƀôn sang dêh čar pơtum nao ngă bruă amăng 4 hrơi đôč, sem lăng, pơsit 5 boh yôm phun, ječ ameč, kiăng ngă giong, hmao kru hăng tơlơi či mă bruă rĭm hrơi. Rơđah biă ñu, ƀing pơ ala amra sem lăng, pơsit hĭ Tơlơi phiăn pơkă lăng pơjrao duăm ruă čih pơkra glăi, kiăng kơtưn bruă wai lăng pơgang, pơjrao hăng pơđĭ tui tơlơi suaih pral kơ mơnuih ƀôn sang; lăng kơ mơnuih duăm ruă ngă pô đing nao amăng bruă pơkă lăng, pơjrao duăm ruă.

Him lăng 3 pok hră pơtrun dưi pơsit, amăng anun lăp đing nao biă mă Hră pơtrun kơ bruă pơkă hnong abih bang amăng dêh čar mơ̆ng thun 2021-2030, lăng nao truh pơ thun 2050, kiăng mă yua anŏ gêh găl bơwih ƀong huă djop kual; pơtong lăng bruă či ngă truh thun 2050 kiăng pơđĭ tui anŏ gêh găl, pơhrui glăi lu, bơkơnar mơnuih mơnam, mơnuih ƀôn sang ngă pô, thâo rơgơi. Boh yôm phun lăp đing nao lĕ khua mua pơ ala mơnuih ƀôn sang dêh čar prăp lui bruă ruah glăi khua mua, pơđĭ bruă khua mua tui tơlơi dưi mơ̆ng khua mua pơ ala mơnuih ƀôn sang dêh čar.