Hăng anăn ñu “Đà Lạt – Plơi prong pă bơyan bơnga”, Festival bơnga Đà Lạt tal 9 thun 2022 lĕ sa tơlơi tô̆ tui, pơtŏng sit, pơpŭ mơnuih pla bơnga hăng lăi pơhư̆č hơdôm gru yôm bơnga, hơdôm mơta gơnam mă mơng đang hmua hmư̆ hing hăng kơnong ƀơi Đà Lạt – Lâm Đồng hmâo, kah hăng: Añăm pơtăm, trà, kơ phê, bơnal.

Pơhiăp amăng mông ngă lơphet pok phun, Kơ-iăng Khua mir sir dêh čar ta yă Võ Thị Ánh Xuân lăi lĕ, Festival bơnga Đà Lạt tal 9 lĕ mông ngă lơphet pha ra, hmâo bơdjơ̆ nao sit nik, laih anun pơpŭ gru hiam pha ra mơng Đà Lạt, hăng pơtrut kơtang rah tơlơi pơđĭ kyar bruă ngă rai gơnam tam, sĭ mơdrô hăng sĭ bơnga kơ dêh čar tač rơngiao, gơnam mă mơng đang hmua dưi tŭ yap anăn “Đà Lạt – pơkĕ hrom klă hiam mơng lŏn hiam”. Kơ-iăng Khua mir sir dêh čar ta pơtŏng sit, anai ăt lĕ tơnal klă pioh lăi pơhư̆č gru rup kual lŏn Đà Lạt klă hiam, ană mơnuih Đà Lạt “mut hrom, tâ̆o klă, kiăng kơ tuai”, djru pơđĭ kyar tuai čuă ngui, hơkrŭ glăi, pơđĭ kyar bơwih ƀong – mơnuih mơnam tơdơi kơ klin Covid-19./.