Rơwang bruă hmâo rơwang ataih 729 km găn nao 12 bôh tơring čar, ƀôn prong anun lĕ hơdôm črăn: Hà Tĩnh – Quảng Trị; Quảng Ngãi - Nha Trang; Cần Thơ - Cà Mau, hăng abih bang rơnoh tuh pơplai năng ai ñu 147.000 klai prăk. Rơwang bruă dưi pơpha jing 12 rơwang bruă mă yua ha jăn, phun ñu ngă giong amăng thun 2025 hăng mă yua mơng thun 2026.

Truh ră anai, anih anom mă yua pơkra jơlan mơng abih bang 12 rơwang bruă hmâo jao laih 70%, djơ̆ hăng tơlơi kiăng pơkra jơlan. Kiăng ngă giong tơhnal pơkă truh thun 2025 tô jơlan mơng Lạng Sơn truh Cà Màu, Khua dêh čar Phạm Minh Chính rơkâo Ding jum jơlan glông nao rai dŭ pơgiăng đing nao git gai hơdôm grŭp wai lăng rơwang bruă, lăi pơthâo hăng tui hăng pô gơgrong pơkra ngă tui pran jua gơgrong prong hloh, iâu pơhrui mơnuih mă bruă, măi mok rơnuk anai, pơdŏng kơčăo bruă, jơlan gah kơsem min, pơhlôm ba glăi bôh tơhnal, klă kơjăp./.