Mơguah lơ 14/12 ƀơi Anom Jơnum bruă lŏn ia (Hà Nội), Jơnum khua pơ ala đơ đam dêh čar Khul hlăk ai rơnuk Hồ Chí Minh tal 12, rơwang ruă 2022-2027 hăng bôh pia “Tơlơi čang rơmang – Ba jơlan hlâo – Gum hrom hơbit – Pran gơgrong – Pơčeh phrâo” pok phun yôm phăn hăng tơlơi gum hrom mơng 980 čô mơnuih pơ ala lĕ mơnuih apăn bruă, mơnuih amăng khul mơbruă pơ ala brơi rơbêh kơ 22 klăk čô mơnuih hlăk ai, tơdăm dra Việt Nam amăng dêh čar hăng pơ̆ dêh čar tač rơngiao.

Jơnum lĕ bruă kơđi čar yôm phăn mơng hlăk ai Việt Nam, pơđom pioh tơlơi gir run, bôh than phun mơng Khul hlăk ai hăng bruă tơdăm ngek dra muai čơđai muai amăng 5 thun rơgao. Jơnum hmâo bruă mă klah čun bruă ngă tui Tơlơi pơtrun pơsit Jơnum khua pơ ala đơ đam dêh čar Hlăk ai rơnuk Hồ Chí Minh tal 12, rơwang bruă 2022-2027; pơsit tơhnal pơkă, bruă mă hăng jơlan pơsir bruă khul hăng bruă hlăk ai tơdăm ngek dra muai rơwang bruă 2022-2027. Jơnum amra Ruah Grŭp mă bruă Khul hlăk ai dêh čar tal 12, rơwang bruă 2022-2027; pơhrua nao, pơplih pơkra Mơta tơlơi Khul hăng pel ĕp Mơta tơlơi phiăn mơng Khul pơplih pơkra, pơhrua nao dong./.