Pok pơhai pơkra ming ară jơlan mơng Nha Trang - Sài Gòn, jơlan rơdêh treng Hà Nội - ƀôn prong Hồ Chí Minh
Thứ sáu, 10:07, 27/01/2023
VOV/Siu Đoan Pơblang
VOV/Siu Đoan Pơblang
VOV4.Jarai - Ăt amăng tlam lơ 26/1 mơn, ƀơi tơring čar Ninh Thuận, Khua dêh čar ơi Phạm Minh Chính pơphun pok pơhai pơkra ming ară jơlan mơng Nha Trang - Sài Gòn, jơlan rơdêh treng Hà Nội - ƀôn prong Hồ Chí Minh.
Đĭ pơhiăp amăng mông ngă lơphet, Khua dêh čar pơsit tong, tuh pơ alin man pơkra jơlan glông lăi hrŏm hăng jơlan rơdêh treng hnun mơn ƀu djơ̆ kơnong bruă jao mơng Ding jum wai lăng jơlan glông đôč ôh mơ̆ ăt lĕ bruă jao kơđi čar yôm phun mơng djop ƀon lan, djop ding jum, gơnong bruă, anom bruă yua kơ tơlơi dưi sit nik mơng hơdôm boh ƀon lan.
Pơ anăp anai, Kơnuk kơna amra tŏ tui git gai kiăng tañ pơgiong bruă prap lui tuh pơ alin man pơkra jơlan rơdêh đuăi hmar Kơdư-Dơnung, gir run man pơkra amăng rơwang gap ƀrô mơng 2026-2030. Kơnuk kơna amra đing nao, git gai khut khăt kiăng pơgiong hơdôm akŏ bruă pơhlôm hrơi mông, kjăp hloh; djơ̆ hăng tơlơi kiăng pơđĭ kyar bơwih ƀong huă-mơnuih mơnam, hrưn đĭ tơlơi hơdip kơ mơnuih ƀon sang.
Viết bình luận