Pơmut hrŏm Grŭp pơtô bruă Ping gah hăng Grŭp pơtô ba mơnuih ƀôn sang Ping gah tơring čar Lâm Đồng
Thứ bảy, 06:00, 18/01/2025
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai - Mơguah lơ 17/1, Ping gah tơring čar Lâm Đồng hmâo pơphun jơnum lăi pơthâo Tơlơi pơsit pơmut hrŏm Grŭp pơtô bruă Ping gah hăng Grŭp pơtô ba mơnuih ƀôn sang Ping gah tơring čar. Anai lĕ khul dưi pơmut hrŏm, ngă rơbô̆t blung a dưi lăi pơthâo mơ̆ng tơring čar Lâm Đồng.
Tơdơi kơ pơmut hrŏm Grŭp pơtô bruă Ping gah hăng Grŭp pơtô ba mơnuih ƀôn sang Ping gah tơring čar, khul mă bruă mơ̆ng Grŭp pơtô bruă Ping gah hăng Grŭp pơtô ba mơnuih ƀôn sang Ping gah tơring čar Lâm Đồng hmâo 5 bôh anom gưl anom gah tơring čar, hmâo sa anom bruă hăng 4 bôh anom mă bruă juăt mă, hăng abih bang mrô 31 čô mơnuih.
Amăng anun, hmâo sa čô Khua grŭp, 3 kơ-iăng khua grŭp, 5 anom bruă juăt mă. Ơi Tôn Thiện Đồng, Ding kơna Grŭp apăn bruă Ping gah tơring čar, Khua git gai plơi prong Bảo Lộc dưi brơi nao hăng apăn bruă Khua Grŭp pơtô bruă Ping gah hăng Grŭp pơtô ba mơnuih ƀôn sang Ping gah tơring čar; ƀing ơi Huỳnh Minh Hải, Lê Minh Quang hăng yă Nguyễn Thị Mỵ ngă Kơ-iăng Khua Grŭp./.
Viết bình luận