Tlam lơ 16/2, ƀơi Ƀirô mă bruă, Kơ-iăng Khua pơ ala mơnuih ƀon sang dêh čar ơi Trần Thanh Mẫn git gai jơnum tŭ yap hơdôm bruă mă pioh hơdor glăi 80 thun hrơi plĕ hră ruah Khua pơ ala mơnuih ƀon sang dêh čar Việt Nam blung a (6/1/1946-6/1/2023). Kơ-iăng Khua khul Khua pơ ala mơnuih ƀon sang dêh čar ơi Trần Thanh Mẫn rơkâo bruă pơphun pioh hơdor kiăng yôm phăn, pơkrem, ba glăi tơlơi hur har mơ-ak đơ đam dêh čar.

Hăng tơlơi yôm phăn sit nik anun, bruă pơphun tal pioh hơdor kiăng pok pơhai hăng hơdôm tơlơi phara djop mơta, tong ten, lăp djơ̆; pơlir hăng hơdôm bruă pioh hơdor hơdôm hrơi ngă yang prong amăng thun; pơhlôm djơ̆ hăng tơlơi rơkâo sit nik, rơnuk rơnua, pơkrem, tŭ yua, ngă hur har mơ-ak đơ đam dêh čar. Kơ-iăng Khua pơ ala mơnuih ƀon sang dêh čar ơi Trần Thanh Mẫn pơtă pơtăn kiăng đing nao klăk bruă ngă lơphet pioh hơdor glăi 80 thun Ƀirô Khua pơ ala mơnuih ƀon sang dêh čar Việt Nam. Laih dong, pơphun tal pơplông mă bruă pioh čơkă mơ-ak 80 thun Ƀirô Khua pơ ala mơnuih ƀon sang dêh čar Việt Nam.