Tơlơi yôm hloh amăng thun 2022, Jơnum min djop djuai ania mơnuih mơnam hơmâo jak iâu, mut hrŏm amăng abih bang mơnuih ƀon sang, hơkrŭ glăi, kơtưn, ngă tui pran kơtang amăng bruă gum pơgôp djop djuai ania, pơjing hăng wai pơgang lŏn ia Việt Nam xã hội chủ nghĩa. Bruă krăo lăng hăng lăi pơthâo tơlơi sit nik mơng mơnuih ƀon sang, khul grup, ding kơna tŏ tui hơmâo ngă tui lăp djơ̆, hluai tui lu tơlơi; ba tơbiă hơdră pơsir tơnap tap, gun găn, Jơnum min djop djuai ania mơnuih mơnam Việt Nam djop gưl hơmâo jak iâu, pơgôp amăng keh prăk “djru brơi mơnuih ƀun rin” hăng djru brơi mơnuih ƀon sang bơbeč mơng hơjan kơthel, ia ling dăo; gum pơgôp amăng bruă pơgang klin Covid-19.

Amăng mông jơnum ƀing khua mua tŭ ư kơ bruă mă amăng thun 2023, Jơnum min djop djuai ania mơnuih mơnam Việt Nam đing nao pok pơhai, klă dong, tŭ yua amăng bruă krăo lăng hăng lăi glăi tơlơi tơña mơng mơnuih mơnam; pok pơhai ngă tui sa, dua jơlan hơdră krăo lăng gưl dêh čar; pơphun pơgôp hiăp amăng hơdôm črăn tơlơi phiăn, tơlơi pơkă amăng tơlơi phiăn tui jơlan hơdră pơjing tơlơi phiăn, tơlơi pơtrun thun 2023.