Jơnum ngui sang čơ hơmâo 300 anih pơdă, gơnam lu tơket tơkeng, laih anun lêng kơ klă soh, hơmâo pơkra mơ̆ng 120 anom bơwih ƀong, sang sĭ mơdrô hmư̆ hing mơ̆ng 12 boh tơring čar, ƀôn prong Việt Nam, Kur, Lao.

Jơnum ngui sang čơ jing tơlơi yôm phun pơtrut tui tơlơi rô nao rai, ngă hrŏm bơwih ƀong, sĭ mơdrô plah wah tơring čar An Giang - Việt Nam hăng 2 boh tơring čar Takeo, Kandal (dêh čar Kur), anăp nao bruă sĭ gơnam pơ hơdôm boh dêh čar amăng kual ASEAN lăi hrŏm, hơdôm boh dêh čar kual ia krông Mê Kông lăi hơjăn. Biă ñu, sang čơ thun anai hơmâo tơring čar Champasak (dêh čar Lao), mơ̆ng anun pơtrut tui tơlơi rô nao rai ngă hrŏm klă hiam kơplah wah Việt Nam, Lao, Kur  lăi hrŏm laih anun tơring čar An Giang hăng Champasak, Tàkeo, Kandal lăi hơjăn.