Kơ bruă čih tơlơi phiăn, ƀơi mông jơnum anai, Jơnum min apăn bruă phun pơ ala mơnuih ƀôn sang dêh čar pơgôp hiăp kơ Tơlơi phiăn Anom bruă Kơnuk kơna (pơplih pơkra glăi); Tơlơi pơtrun mơ̆ng Khua pơ ala mơnuih ƀôn sang dêh čar kơ anom bruă mơ̆ng Kơnuk kơna rơwang bruă Khua pơ ala mơnuih ƀôn sang dêh čar tal 15; Tơlơi phiăn anom bruă gong gai plơi pla (pơplih pơkra glăi); Tơlơi phiăn ngă hră pơtrun kơ tơlơi pơkôl pơkă (pơkra glăi); Tơlơi phiăn mơ̆ng Khua mua pơ ala mơnuih ƀôn sang dêh čar pơsir hơdôm bruă hơmâo amăng tơlơi phiăn bơdjơ̆ nao bruă dưm dăp anih anom mă bruă kơnuk kơna; Tơlơi phiăn čih pơkra glăi, pơhrua tui sa dua tơlơi mơ̆ng Tơlơi phiăn mă bruă mơ̆ng Ƀirô khua pơ ala mơnuih ƀôn sang dêh čar...

Jơnum min apăn bruă phun pơ ala mơnuih ƀôn sang ăt sem lăng, pơsit brơi tơlơi rơkâo đĭ mơ̆ng Khua anom bruă tơgŭ kơđi dêh čar kơ hơdră ngă bruă mơ̆ng Sang bruă tơgŭ kơđi dêh čar; tơlơi pơtrun gah tơlơi pơkă, hơnong pơkă kah pơpha prăk tuh pơ alin kơnuk kơna rơwang thun 2026-2030. Ƀơi mông jơnum, Jơnum min apăn bruă phun pơ ala mơnuih ƀôn sang dêh čar ăt pơgôp hiăp kơ bruă ruah mơnuih mă bruă tui tơlơi dưi.