Amăng mông jơnum mơng Jơnum min apăn bruă Khua pơ ala mơnuih ƀôn sang dêh čar ta tal 18 phrâo rơgao, Khua git gai wai lăng pơ ala mơnuih ƀôn sang dêh čar ta ơi Vương Đình Huệ pơtă, bruă mă tơlơi gum pơhiăp mơnuih ƀôn sang kơ hră čih pơkra tơlơi phiăn lŏn drŏn (pơplih pơkra) khom sit nik, ba glăi bôh tơhnal, bĕ ngă tui tŭ mơng hmâo.

Bruă mă tơlơi gum pơhiăp amra čih glăi, pơphun Jơnum, bơkơtuai, bơră ruai; khom pơhlôm sit nik hăng hmâo bôh tơhnal, djơ̆ hăng tơlơi rơkâo mơng mơnuih ƀôn sang. Rơgao hơdôm măi por pơhing, lu mơnuih apăn bruă, mơnuih ping gah hăng mơnuih ƀôn sang lăi lĕ, bôh yôm mă tơlơi gum pơhiăp khom dưi tum pơƀut, ruah mă djop, djơ̆, tơpă hăng dưi kơsem min, tŭ mă, pơblang tơpă kiăng ngă giong hră čih pơkra tơlơi phiăn lŏn drŏn (pơplih pơkra). Tơlơi pơtrun pơsit mơng Jơnum min apăn bruă Khua pơ ala mơnuih ƀôn sang dêh čar rơkâo, kơtưn lăi pơhing, pơsur mơnuih ƀôn sang gum hrom gum pơhiăp./.