Him lăng amra tŭ mă 6.000 anung drah, ngui bơnga bơnga mriah tal anai hăng anăn “Pơyơr drah akŏ bơyan bơnga - Đĭ tui tơlơi yâo mơ-ak” yua anom bruă kơtăk drah gơnong glông gum hrŏm hăng Khul hlăk ai pơsur pơyơr drah Hà Nội pơphun. Găn rơgao 15 tal pơphun, hăng rơbêh 100.000 anung drah, Ngui bơyan bơnga mriah hơmâo pơphun hăng glăk ngă lar hyu, pơtrut pơsur hơdôm rơbăn čô mơnuih, laih dong jing tơlơi čang rơmang, dŏ tơguăn mơng hơdôm rơbâo čô mơnuih kiăng gum pơgôp ngă bruă hiam amăng blan sa.

Nai prin tha Nguyễn Hà Thanh, khua anom bruă kơtăk drah gơnong glông brơi thâo hlâo kơ hrơi bơyan bơnga mriah sit nik pơphun, rơbêh 2 blan rơgao, anom bruă kơtăk drah gơnong glông hơmâo tŭ mă giăm 60.000 anung drah kiăng kơ jôr hăng pơjrao brơi mơnuih duam ruă hlâo, amăng hrơi ƀong tết hăng tơdơi kơ tết Quý Mão.