Bruă pơphun Pri pôr pơhing amra djru pơtrut đĭ tui anô̆ kơjăp, bôh tơhnal bruă lăi pơthâo, pôr pơhing kơ bruă mă mơng Khua pơ ala mơnuih ƀôn sang dêh čar ta hăng Khul pơ ala mơnuih ƀôn sang; djru pơđĭ tui anô̆ kơjăp bruă mă hăng mrô mơta tơlơi pôr pơhing kơ bruă Khua pơ ala mơnuih ƀôn sang hăng Khul pơ ala mơnuih ƀôn sang.

Kơ-iăng Khua git gai wai lăng pơ ala mơnuih ƀôn sang dêh čar ơi Trần Thanh Mẫn čang rơmang lĕ, ƀing čih tơlơi pơhing, hyu mă tơlơi pơhing ngă tui dong pran jua gơgrong, pơhrăm pran jua kơđi čar, pơđĭ tui bôh thâo, pran jua mă bruă, kiăo tui djơ̆ jơlan gah, hơdră pơtrun mơng Ping gah, hơdră bruă, tơlơi phiăn mơng Kơnuk kơna; lăi pơhing hmao tlôn, djơ̆ hăng hmâo hơdôm tơlơi pơblang dơlăm gah anih anom, bruă mă, bruă apăn, bruă jao, bruă mơng Khua pơ ala mơnuih ƀon sang, Jơnum min apăn bruă Khua pơ ala mơnuih ƀôn sang, Khul djuai ania, hơdôm Jơnum min mơn Khua pơ ala mơnuih ƀôn sang, Grŭp khua pơ ala Khua pơ ala mơnuih ƀôn sang dêh čar, khua pơ ala Khua pơ ala mơnuih ƀôn sang hăng Khul pơ ala mơnuih ƀôn sang./.