Rơwang pơplông blung a pơphun 2 hrơi mơng lơ 24-25/5 yua Gong phun jua pơhiăp dêh čar Việt Nam hăng Gong pơtui jua pơhiăp-Pơdah rup Tuyên Quang gum hrŏm pơphun. Tal pơplông pôr pơhing thun anai pơhưč 81 Gong pơtui jua pơhiăp hăng pơdah rup hơdôm boh tơring čar, ƀôn prong, hơdôm anih anom mơng Gong phun jua pơhiăp dêh čar Việt Nam hăng hơdôm anih anom mơng Ding jum kông ang, Ding jum ling tơhan nao pơplông hăng giăm 380 tơlơi pơhing mơng 10 tơhnal.

Sit biă ñu, mrô jơlan hơdră pôr pơhing ƀơi anăp đĭ kơtang 37 anom bruă nao pơplông. Amăng rơwang blung a, Khul pơphun amra čom puang hăng ruah hơdôm tơlơi pôr pơhing lăp djơ̆ hloh nao pơplông rơnuč amăng tal pơplông pôr pơhing đơ đam dêh čar tal 16, him lăng pơphun ƀơi tơring čar Thanh Hoá mơng lơ 9-14/7 pơ anăp.