Jơnum hơmâo tơlơi mut hrŏm mơng khua mua Jơnum min mơnuih ƀôn sang hơdôm boh tơring čar, ƀôn prong kual Dơnung tong krah hăng Dap kơdư; hơdôm anom bruă djru pơplih yua boh thâo phrâo hăng rơbêh kơ 30 khul grup, anom bơwih ƀong sĭ mơdrô đơ đam dêh čar. Thun 2024 hơmâo Jơnum min dêh čar amăng pơplih yua boh thâo phrâo ruah anăn pơphun lĕ thun “pơđĭ kyar bơwih ƀong yua boh thâo phrâo hăng 4 bruă phun boh thâo măi mok, bơwih ƀong yua boh thâo ia rơgơi, wai lăng yua boh thâo măi mok, anih djă pioh hră pơ-ar-Anŏ pơtrut kơtang brơi pơđĭ kyar bơwih ƀong huă-mơnuih mơnam kiăng kơ tañ hăng hơđong kjăp”.

Amăng mông jơnum, pơ ala brơi ding jum, gơnong bruă, ƀon lan, ƀing rơgơi kơhnâo hăng anom bơwih ƀong sĭ mơdrô lăi pơthâo sa, dua hơbô̆ bruă klă hloh amăng pơplih yua boh thâo phrâo, djop mơta amăng yua boh thâo phrâo ƀơi Việt Nam, hơdră bruă pơtrut bơwih ƀong yua boh thâo phrâo; jơlan gah pơplih ngă hmua yua boh thâo phrâo-bơwih ƀong amăng kual; bruă djă pioh hră pơ-ar mơng gơnong bruă bơwih ƀong kah hăng hơdră pơplih yua boh thâo phrâo amăng ngă hmua.