Quảng Ninh tŏ tui ba jơlan hlâo thun tal 7 mơtăm hăng 71,25 puang PCI
Thứ sáu, 10:28, 10/05/2024
VOV/Siu Đoan Pơblang
VOV/Siu Đoan Pơblang
VOV4.Jarai-Mơguah tom brơi (9/5), ƀơi Hà Nội, Khul pơlir sĭ mơdrô hăng tuh tia pơkra ming Việt Nam (VCCI) pơphun mông lăi pơthâo mrô bơkơtưn gưl tơring čar (PCI) hăng mrô mơtah gưl tơring čar (PGI) thun 2023. Thun anai tơring čar Quảng Ninh tŏ tui ba jơlan hlâo thun tal 7 mơtăm hăng 71,25 puang PCI.
Lăi pơthâo mrô bơkơtưn gưl tơring čar (PCI) hăng mrô mơtah gưl tơring čar (PGI) thun 2023 hơmâo pơjing hluai tui tơlơi lăi pơthâo mơng pel ĕp bruă bơwih ƀong sĭ mơdrô thun 2023, boh than pel ĕp rơbêh 10.000 boh anom bơwih ƀong sĭ mơdrô đơ đam dêh čar. Thun anai tơring čar Quảng Ninh tŏ tui ba jơlan hlâo thun tal 7 mơtăm kơ PCI, tŏ tui lĕ Long An, Hải Phòng, Bắc Giang, Đồng Tháp.
Đĭ pơhiăp amăng mông lăi pơthâo, Khua VCCI Phạm Tấn Công brơi thâo, hăng bruă pơjing hăng lăi pơhtâo PGI hrŏm hăng mrô PCI, VCCI čang rơmang djop tơring čar tŏ tui pơplih bruă bơwih ƀong sĭ mơdrô jai kơtang tui, laih dong đing nao bruă pơđĭ kyar bơwih ƀong huă pơlir hăng wai pơgang jum dar.
Viết bình luận