Tui hăng Tơlơi pơtrun, Thượng tướng ơi Trần Quốc Tỏ, Ding kơna Ping gah, Kơ-iăng khua Ping gah Kông an, Kơ-iăng khua ding jum kông an dưi git gai bruă mă mơ̆ng Ding jum Kông an truh kơ hrơi ruah pơhrua sit nik mơnuih ngă Khua ding jum kông an tui tơlơi phiăn. Tơlơi pơtrun anai dưi mă yua mơ̆ng hrơi kĭ (lơ 22/5/2024).

Ơi Trần Quốc Tỏ tơkeng lơ 28/1/1962, plơi pla să Quang Thiện, tơring glông Kim Sơn, tơring čar Ninh Bình. Hrăm bruă Kơ-iăng nai tha prin, nai prin tha Tơlơi phiăn, Mơnuih ngă soh, Hơduah ĕp kơđi mơnuih ngă soh; hrăm gưl prong lý luận chính trị. Ơi Trần Quốc Tỏ jing Ding kơna git gai Ping gah dêh čar tal 12, 13; ding kơna pơ ala mơnuih ƀôn sang dêh čar tal 14, 15. Mơ̆ng blan 3/2024, ơi Trần Quốc Tỏ jing Kơ-iăng Khua Ping gah tơring čar Thái Nguyên. Truh blan 10/2015, ñu ngă Ding kơna gum bruă git gai Ping gah dêh čar tal 12; Khua git gai Ping gah tơring čar Thái Nguyên rơwang thun 2015-2020; Khua grup pơ ala mơnuih ƀôn sang dêh čar tơring čar Thái Nguyên; Ding kơna Jơnum min Ling tơhan hăng Rơnuk rơnua Ƀirô khua pơ ala mơnuih ƀôn sang dêh čar tal 14. Blan 5/2020, ơi Trần Quốc Tỏ jing Kơ-iăng khua ding jum kông an truh kơ ră anai.