Amăng jơlan ataih hơdôm rơtuh km, neh met wa pơđao amăng pran jua lơ̆m tơhan pôlih wai lăng jơlan glông ƀơk brơi get ia, akhăn rơ-ơ̆, ƀañ mi. Amăng jơlan mrô 14 găn nao tơring čar Dak lak hăng Dak Nông hơdôm hrơi anai, rơdêh găn nao rai lu biă mă, lu mơnuih đuăi rơdêh pơwŏt glăi hơdôm tơring čar kual Dơnung anun lĕ Đồng Nai, Bình Dương, ƀôn prong Hồ Chí Minh…kiăng kơ glăi mă bruă.

Thiếu tá Nguyễn Thành Tâm, Kơ-iăng khua grup tơhan pôlih wai lăng jơlan mrô 1, anom bruă tơhan pôlih wai lăng jơlan, kông ang tơring čar Dak Nông brơi thâo, bruă ƀơk brơi get ia, ƀañ mi, hơbơi čin lĕ sa amăng hơdôm bruă mă mơng anom bruă lơ̆m pok pơhai jơlan hơdră djru brơi mơnuih đuăi rơdêh amăng jơlan glông bơyan tết Quý Mão thun 2023 hăng tơlơi čang rơmang djru brơi neh met wa đuăi rơdêh rơnuk rơnua.