Khul apăn bruă Ping gah Cộng sản Việt Nam, Khua pơ ala mơnuih ƀôn sang dêh čar Việt Nam, Khua mir sir dêh čar Việt Nam, Kơnuk kơna dêh čar Việt Nam, Jơnum min djop djuai ania mơnuih mơnam Việt Nam hăng sang anŏ lăi hning rơngŏt lăi pơthâo: Ơi Trần Đức Lương, Ding kơna Ding jum kơđi čar, Khua mir sir dêh čar Việt Nam, Khua khul wai pơgang rơnuk rơnua hơđăp, tơkeng lơ 5/5/1937; plơi pla ƀơi să Phổ Khánh, tơring glông Đức Phổ (ră anai lĕ plơi prong Đức Phổ), tơring čar Quảng Ngãi; dŏ ƀơi sang mrô 298, jơlan Vạn Phúc, phường Liễu Giai, kuận Ba Đình, ƀôn prong Hà Nội.

Ñu mut hrŏm ngă hơkrŭ dong mơng blan 2/1955; mut Ping gah Cộng sản Việt Nam lơ 19/12/1959; Ding kơna Khul apăn bruă Ping gah tal V, VI, VII, VIII, IX; Ding kơna Ding jum kơđi tal VIII, IX; Ding kơna Ding jum kơđi čar VIII; Kơ-iăng Khua khul khua ding jum dong mơng blan 2/1987 truh blan 8/1992; kơ-iăng Khua dêh čar mơng blan 9/1992 truh blan 8/1997; dong mơng blan 8/1997 truh blan 6/2006 ngă Khua mir sir dêh čar Việt Nam, Khua khul wai pơgang rơnuk rơnua tal X, tal XI; Khua pơ ala mơnuih ƀôn sang dêh čar tal VII, VIII, X, XI.

Tơdơi kơ hrơi blan ruă kă, mah hơmâo Ping gah, Kơnuk kơna, ƀing rơgơi kơhnâo, ơi ia jrao abih pran jua pơjrao brơi, sang anŏ abih pran jua kiăo tui lăng, samơ̆ yua thun tha, ruă kơtang, ñu tơ̆i pran lơm 10 mông 51 mơnit mơmŏt, lơ 20/5/2025 (anai lĕ lơ 23/4 thun Ất Tỵ), ƀơi sang ñu pô, rơngiă lơm 88 thun.

Amăng rơbêh 50 thun ngă bruă hơkrŭ, ñu hơmâo pơgôp prong prin amăng bruă ngă hơkrŭ hing ang mơng Ping gah hăng mơng djuai ania. Ñu hơmâo Ping gah, Kơnuk kơnua jao Miđai pơtŭ kơñĭ, Miđai 65 thun mut Ping gah hăng lu miđai, hră pơpŭ yôm phăn pơkŏn dong. Ñu rơngiă jing tơlơi rơngiă prong biă mă mơng Ping gah, Kơnuk kơna, mơnuih ƀôn sang hăng sang anŏ ñu pô.

Kiăng pơdah pran jua hning rơngŏt hăng hơ-ŭ hơdor kơ ơi Trần Đức Lương, Khul apăn bruă Ping gah Cộng sản Việt Nam, Khua pơ ala mơnuih ƀôn sang dêh čar Việt Nam, Khua mir sir dêh čar Việt Nam, Kơnuk kơna Việt Nam, Jơnum min djop djuai ania mơnuih mơnam Việt Nam pơsit pơphun mơyut jôk gưl dêh čar.

KHUL APĂN BRUĂ PING GAH CỘNG SẢN VIỆT NAM

KHUA PƠ ALA MƠNUIH ɃÔN SANG DÊH ČAR VIỆT NAM

KHUA MIR SIR DÊH ČAR VIỆT NAM

KƠNUK KƠNA DÊH ČAR VIỆT NAM

JƠNUM MIN DJOP DJUAI ANIA MƠNUIH MƠNAM VIỆT NAM