Pơ ala brơi khua mua Ping gah, Jơnum min mơnuih ƀon sang, Jơnum min djop djuai ania mơnuih mơnam Việt Nam tơring čar Quảng Bình hơmâo nao tŭi ñang, hơ-ŭ ƀơi pơsat Đại tướng Võ Nguyên Giáp ƀơi Vũng Chùa, Đảo Yến gah să Quảng Đông, tơring glông Quảng Trạch, tơring čar Quảng Bình. Amăng hrơi mông pơpŭ bơni hăng hơ-ŭ hơdor, khua mua tơring čar Quảng Bình hơmâo dưm guang bơnga, tŭi ñang hăng pioh mông hơ-ŭ hơdor tơlơi gum pơgôp prong prin mơng Đại tướng Võ Nguyên Giáp.

Ơi Võ Nguyên Giáp lĕ ding kơna rơgơi kơhnâo mơng Khua mir sir Hồ Chí Minh, khua tơhan hmư̆ hing amăng rŏng lŏn tơnah, ană tơčô mơng plơi pla Quảng Bình. Đại tướng Võ Nguyên Giáp lĕ mơnuih rơgơi kơhnâo, khua git gai hơdip hiam, rơgơi amăng bruă hơkrŭ, hơmâo tơlơi đăo gơnang mơng Ping gah, Kơnuk kơna, mơnuih ƀon sang, ling tơhan hăng gơyut gơyâo jar kmar.