Amăng tal nao čuă hăng mă bruă ƀơi dêh čar Lao, Khul khua wai lăng djuai ania Ƀirô khua git gai pơ ala mơnuih ƀon sang dêh čar Việt Nam yua Khua Khul wai lăng djuai ania Y Thanh Hà Niê Kđăm ba jơlan hơmâo nao bưp Khua git gai pơ ala mơnuih ƀon sang dêh čar Lao Xay-xổm-phon Phôm-vi-hản laih anun gum git gai mông jơnum bơlăi nao rai boh thâo wai lăng djuai ania hăng Khua Jơnum min djŏp djuai ania Ƀirô khua pơ ala mơnuih ƀon sang dêh čar Lao. Ƀơi mông tŭ jum, Khua Khul wai lăng djuai ania ơi Y Thanh Hà Niê Kđăm hơmâo lăi pơthâo boh than ngă hrŏm kơplah wayh Khul wai lăng djuai ania Ƀirô khua pơ ala mơnuih ƀon sang Việt Nam hăng Jơnum mihn djŏp djuai ania Ƀirô khua pơ ala mơnuih ƀon sang dêh čar Lao amăng hrơi blan rơgao, hơdră ngă hrŏm amăng hrơi blan pơ anăp laih anun bruă ngă hrŏm jơnum bơkơtuai boh thâo mă bruă wai lăng djuai ania mơng dua boh dêh čar.

Hlâo kơ anun, Khul wai lăng djuai ania Ƀirô khua pơ ala mơnuih ƀon sang dêh čar Việt Nam hăng Jơnum min djuai ania Ƀirô khua pơ ala mơnuih ƀon sang dêh čar Lao hơmâo hgă hrŏm bơlăi nao rai tơlơi thâo thăi ngă bruă čih pơkra tơlơi phiăn hăng krăp lăng bruă pok pơhai tui hơdôm jơlan hơdră djuai ania, pơhrŏ trun rin ƀun hơđong kơjăp, pơhlôm djru ba mơnuih tơnap tap; lăi nao tơlơi djơ̆ amăng bruă krăp lăng, pơđĭ kyar plơi pla, lŏm lui rin rơpa, ĕp brơi mă bruă hơđong kơ mơnuih ƀon sang...Việt Nam hăng Lao pơđĭ tui tơlơi ngă hrŏm kơplah wah hơdôm anom bruă wai lăng djuai ania.