VOV4.Jarai- Tlam lơ 7/4, Jơnum min mơnuih ƀon sang tơring čar tơring čar Kontum hăng Sang hră gưl prong Tây Nguyên pơphun mông ngă lơphet kĭ pơkôl jơlan hơdră ngă hrŏm amăng bruă pơtô hrăm, kơsem min boh thâo phrâo hăng mă yua măi mok rơwang thun 2021-2025.

Mông kĭ pơkôl

Hơnong pơkă mơng jơlan hơdră anai lĕ kiăng kơ ngă tŭ yua hơdôm tơlơi dưi, tơlơi gal mơng rĭm bơnah kiăng gum hrŏm pơđĭ kyar amăng djop mơta bruă: Ngă hrŏm pơtô hrăm brơi mơnuih mă bruă thâo rơgơi amăng djop mơta bruă mơ̆ dua bơnah đing nao kiăng tŭ mă hơdôm tơlơi dưi amăng pơtô hrăm mơng sang hră hăng tơlơi kiăng mơng tơring čar Kontum djru brơi bruă pơđĭ kyar hrŏm mơng dua bơnah; gum hrŏm hăng kơsem min boh thâo phrâo hăng mă yua măi mok kiăng pơđĭ kyar hơdôm gơnam hơmâo lu hloh, gơnam yôm amăng tơring čar Kontum hăng kual Dap kơdư, laih dong mă yua klă hơdôm dram gơnam glăk hơmâo amăng thun blan ayuh hyiăng pơplih sat; djă pioh na nao tơlơi dưi prong prin mơng tơring čar hăng kơsem min boh thâo phrâo, mă yua măi mok amăng ngă hmua, pơđĭ kyar amăng bruă kơsem min boh thâo phrâo, bơwih brơi tơlơi hơdip, tơlơi suaih pral kơ mơnuh ƀon sang  hăng djă pioh gru grua djop djuai ania kual Dap kơdư.

Siu Đoan: Pơblang