VOV4.Jarai - Pơdong [ơi rơnuc\ jơlan Trần Nhật Duật, phường Tân Lợi, plơi prong Buôn Ma Thuột, [uôn Ako\ Dhông le\ sa amăng [iă plơi pla djuai ania Êđê ră anai do\ djă pioh hơdôm gru grua yôm phara kơ djuai ania Êđê.

Amăng plơi hro\m hăng jơlan tuh [êtông agaih gong le\ hơdôm sang dlông tui gru grua djuai ania hăng amăng hơdôm boh sang anun ăt do\ djă pioh ring c\ing hơgor, anih mơ`am abăn ao, ko\ng tơpai c\eh, hơdôm gơnam yua sô hơđăp anun le\ c\ing, grê Kpan, c\eh tơpai … hro\m hăng tơlơi ngă yang rơbang mơng djuai ania Êđê.

Hơdôm gru grua yôm phara anai hơmâo pơjing rai tơlơi yôm [ơi tong krah plơi prong Buôn Ma Thuột , tơring c\ar Daklak.

{ing gơmơi mut nao [uôn Ako\ Dhông amăng sa hrơi ako\ blan 3, jơlan tuh [êtông agaih gong mut nao amăng plơi, dua gah jơlan le\ pơga pla phun kyâo mơtah mơda arăng trơ\i tơpă lăng hiam biă mă, amăng lan sang hơmâo lu phun bơnga glăk bluh bơnga.

Tơlơi yôm biă mă `u lơ\m [ing ta rai pơ anai le\ hơmâo lu sang dlông tui gru grua djuai ania [iă hăng bơbung sang lăng sô hơđăp pơplah le\ hơdôm boh sang pơprong phrâo man pơdong.

Hăng mơnuih djuai ania Êđê, sang dlông le\ gru grua yôm phara kơ djuai ania, le\ hơtai boh, kơtăk drah, anai le\ tơlơi jê| giăm samơ\ yôm phăn biă mă kơ djuai ania pô. Sang dlông [u djơ\ kơnong le\ anih do\ hơdip kơ sang ano\ đôc\ ôh mơ\ ăt le\ gru grua yôm phara, anih pơphun mông ngă yang rơbang …

Amai H’Len Niê, pô sang s^ mơdrô kơphê Arul, mơnuih hơmâo dua boh sang dlông amăng [uôn Ako\ Dhông brơi thâo: Yua kơ kiăng djă pioh gru grua djuai anai pô, `u hơmâo pơkra ming sang dlông kơ sang ano\ jing anih do\ ngui.

Amai H’Len do\ [ơi sang dlông kơ sang ano\

Tui anun, amăng sang dlông sô hơđăp, `u dưm dăp, pơdă prưng lu gơnam tam juăt yua amăng tơlơi hơdip kơ mơnuih djuai ania Êđê anun le\: c\ing, c\eh tơpai, grê Kpan, hơgor, so\ng pơkra hăng kyâo, akă rô, abăn ao, hơdôm gông brô| kơ djuai ania pô.

Bơ amăng sang dlông phrâo pơdong, `u pioh anih rơhuông rơhaih brơi kơ tuai do\ mơ`um kơphê. Amai H’Len brơi thâo, ăt hơmâo laih sang dlông sô hơđăp, samơ\ yua kơ kiăng djă pioh gru grua yôm phara kơ djuai ania pô, kiăng kơ lu mơnuih thâo krăn kơ ano\ yôm mơng gru grua djuai ania Êđê yua anun `u gir run pơdong phrâo sa boh sang dlông dong.

Yua kơ tui hăng `u pơm^n, tơlơi klă hloh kiăng djă pioh gru grua yôm pioh glăi mơng ơi yă, anun le\ r^m ană tơc\ô kơ djuai ania anun kho\m gir run djă pioh hăng lăi pơthâo.

Biă mă `u le\ tơlơi pơm^n mơng r^m c\ô mơnuih, tơdah [ing ta lăng yôm kơ bruă ơi yă hơmâo man pơdong plơi pla pioh glăi tui ră anai, [ing ta kho\m gir run djă pioh yơh, yua kơ gru grua djuai ania pô kơnong kơ ta đôc\ thâo rơđah hloh, [u tơguăn hlơi hlơi ôh pơđar djă pioh.

Tơdah [ing ta thâo hluh rơđah, r^m c\ô mơnuih thâo djă pioh amra pơjing sa boh sang ano\ gru grua, hăng sa boh sang ba gru amra pơjing sa boh plơi hiam phara.

Găn rơgao thun blan mơng ako\ pơdong plơi pla truh pơđ^ kyar, sit biă `u hơmâo thun blan tơlơi hơdip kơ neh met wa amăng [uôn Ako\ Dhông pơdrong asah yua kơ pla kơphê, lu sang ano\ pơm^n amra lui h^ sang dlông kơ djuai ania pô hơdai nao man pơdong sang phrâo.

{ơi anăp kơ tơlơi anai, tha plơi Ama H’Rin – sa amăng [ing mơnuih blung a pơdong sang amăng plơi – hơmâo rơkâo gong gai [on lan kiăng kơ hơmâo tơlơi pơkă tơdah hơdôm sang ano\ amăng plơi kiăng pơdong sang phrâo kho\m pơdong gah tlôn sang dlông kơ djuai ania pô;

Mơng anun ăt hơmâo lu mơn sang man pơdong prong, samơ\ sang dlông sô hơđăp ăt do\ djă pioh, anai le\ pơđo\m glăi anih do\ hơdip kơ ơi yă đưm đă ră hlâo adih.

Plơi pla jai hrơi pơđ^ kyar, tơlơi hơdip pơplih phrâo, [uôn Ako\ Dhông ăt pơplih tui mơn. Mơng sa boh plơi tơlơi hơdip hơđong mơ-ak kơ djuai ania [iă tong krah plơi prong, [uôn Ako\ Dhông ră anai arăng thâo bơwih brơi tuai c\uă ngui mơng gru grua djuai ania pô.

{ing gơ`u c\ơkă hăng bơwih brơi tuai c\uă ngui hăng hơmâo tơlơi ngui ngor amăng mơmo\t anun le\ atông c\ing, adôh suang jum dar apui djuh, khan hri hăng mơ`um tơpai c\eh amăng sang dlông.

Amai H’Min Niê – mơnuih do\ hơdip amăng plơi brơi thâo, sang ano\ `u ră anai glăk djă pioh bruă rơwơi mơ`am, hlâo anun am^ hăng amai `u mơ`am mrai pioh c\oh abăn ao kơ sang ano\ đôc\, mơng hrơi bruă bơwih brơi tuai c\uă ngui pơđ^ kyar, dua am^ ană `u pok Êđê shop kiăng kơ s^ abăn ao hăng hơdôm gơnam mơng đang hmua anun le\ kơphê, tiu …

Mơ`am abăn ao le\ bruă gru grua mơng djuai ania pô, dong mơng hrơi [uh amăng plơi pla hơmâo tuai c\uă ngui dua am^ ană kah mơng mơ`am abăn ao pioh s^ mơdrô amăng plơi hlao.

Đưm hlâo adih sui hơdôm pluh thun laih sang do\, jơlan glông aka [u hiam, ră anai pơplih laih, biă mă `u le\ mơng hrơi plơi pla thâo bơwih brơi tuai c\uă ngui tơlơi hơdip pơplih tui mơn. Đa sang ngă kơphê, đa sang atông c\ing hơgor brơi kơ tuai.

Sang ano\ gơmơi mơ`am abăn ao ăt mơ`am na nao mơn, đa sang juăt ko\ng tơpai c\eh, đa sang dlông arăng pơphun ngă yang rơbang ngui ngor, mơ\ lơ\m tuai rai c\\uă ngui [ing gơ`u ăt ruah hơdôm gơnam huă a`ăm [ong jơman mơng djuai ania Êđê.

Tui hăng ơi Y Pun Niê Bing, Khua [uôn Ako\ Dhông, ră anai [uôn hơmâo 278 boh sang ano\, 1.050 ako\ mơnuih, amăng anun hơmâo 63 boh sang ano\ djuai ania [iă hăng 305 ako\ mơnuih.

Amăng plơi [u hơmâo sang ano\ [un rin ôh hăng hơmâo sang ano\ pơhrui hơdôm rơtuh klăk prăk amăng ha thun jai hrơi jai lu tui. Tơlơi bơwih [ong huă pơđ^ kyar, neh met wa jai hrơi đing nao tơlơi hơdip gah bơngăt hăng kơtưn djă pioh hăng lăi pơthâo gru grua yôm phara kơ djuai ania pô.

Hro\m hăng hơdôm sang dlông, gru grua c\ing hơgor ăt hơmâo ană plơi pla djă pioh. Hơdôm tơlơi ngui ngor, ngă yang rơbang, atông c\ing hring hơgor, khan hri, mơ`am abăn ao, ko\ng tơpai c\eh;

Hơdôm phiăn juăt amăng tơlơi hơdip r^m hrơi anun le\ gui akă rô nao pơ hmua, pơhiăp nao rai hăng tơlơi djuai ania pô, hơdip jê| giăm mơ-ak ăt hơmâo ană plơi pla djă pioh hăng pơdah tong ten biă mă.

Hrơi ngă yang ngă adơi ayong giang mah hơmâo neh met wa [uôn Ako\ Dhông pơphun

R^m boh bơbung sang lêng kơ djă pioh abăn ao djuai ania pô, sui sui [ing gơ`u ăt ngă yang ngui ngor hăng am^ ama, ơi yă. Bơ phiăn juăt pơdô| rơkơi bơnai ăt do\ djă pioh tui gru grua djuai ania mơng đưm đă ră hlâo adih;

Samơ\ hơmâo pơplih tui [ơ[iă yua kơ đưm hlâo adih arăng mă pơnu\ hăng kơbao, rơmô ră anai arăng pơhrôp mă, giăm 10-15 klăk prăk lăng kar hăng pơnu\ pioh glăi kơ am^ ama. Bruă mơ`am abăn ao, ko\ng tơpai c\eh hơmâo ơi yă pơtô glăi kơ ană tơc\ô.

Bruă [uôn Ako\ Dhông ăt do\ djă pioh hăng lăi pơthâo hơmâo tơlơi yôm phara mơng djuai ania pô, hơmâo pơjing rai hơdôm gru grua yôm phăn [ơi tong krah plơi prong Buôn Ma Thuột. Mơng tơlơi anai amra pơhưc\ lu tuai c\uă ngui mut nao amăng plơi hăng do\ glăi amăng hơdôm hrơi hyu c\uă ngui [ơi tơring c\ar Daklak.

Amai Nguyễn Đỗ An, tuai c\uă ngui mơng Đà Nẵng bơră ruai tom, anai le\ ta 3 `u rai pơ Daklak hăng amăng 3 wo\t `u lêng kơ rai pơ [uôn Ako\ Dhông, yua kơ `u amoaih biă mă hơmâo tơlơi hiam amăng plơi pla tong krah plơi prong anai:

Lơ\m kâo hăng [ing gơyut rai pơ anai, anai le\ tong krah plơi prong lu mơnuih do\ hơdip samơ\ gru grua yôm phara [ơi anai ăt hơmâo djă pioh hru\p hăng đưm hlâo adih, anai le\ tơlơi ngă kơ kâo amoaih biă mă.

{uôn Ako\ Dhông glăk jai hrơi pơđ^ kyar, kiăo tui tơlơi hơdip phrâo amăng plơi prong samơ\ ăt djă pioh ano\ sô hơđăp, hơđong mơ-ak mơng djuai ania [iă.

Tơlơi ngă pơlir hro\m kơplah wah gru grua sô hơđăp hăng tơlơi hơdip phrâo pơjing rai tơlơi hiam klă, yôm phara mơng plơi pla tong krah plơi prong kơnong [ơi Buôn Ma Thuột đôc\ hơmâo.

Siu Đoan: Pơblang hăng pôr