VOV4.Jarai-Jơnum bơkơtuai boh thâo ia rơgơi hăng anăn “100 thun pơđĭ kyar Ping gah dêh čar Khač-Pơčrông sai tơlơi thâo thăi akŏ pơdong Ping gah hăng git gai pơđĭ kyar lŏn ia kơplah wah Ping gah Cộng sản Việt Nam hăng Ping gah dêh čar Khač” phrâo pơphun mơ̆ng taih lăng nao rai amăng tivi hăng bưp nao rai ƀiă mơnuih, pơtruh nao rai amăng tivi lĕ 10 boh anih ƀơi Việt Nam hăng dêh čar Khač.

Pơ ala gah ping gah dêh čar Khač, ơi Trần Hy-ding kơna ding jum kơđi čar, khua apăn bruă khul git gai ping gah, Khua anom pơphun bruă ping gah dêh čar, Khua sang hră Ping gah dêh čar Khač lăi pơtong, boh tơhnal prong prin hăng tơlơi thâo thăi găn rơgao tơdơi kơ 100 thun akŏ pơdong hăng pơđĭ kyar ping gah dêh čar Khač. Pơ ala kơ ping gah Việt Nam, ơi Nguyễn Xuân Thắng, ding kơna ding jum kơđi čar, Khua sang hră kơđi čar djă anăn Hồ Chí Minh, Khua khul nai pơtô djơ̆ mơ̆ng dêh čar lăi:

Việt Nam pơsit jơlan hơdră rơngai lŏn ia hăng mơnuih ngă khua pô. Ping gah Cộng sản pơčeh phrâo na nao, ngă kjăp jơlan hơdră mă bruă, anăp nao bruă man pơdong jơlan mă bruă tui xã hội chủ nghĩa; kơnuk kơna git gai hăng tơlơi phiăn kơ mơnuih mơnam ngă khua pô laih anun atur tơlơi git gai mơnuih mơnam ngă khua pô.

Nay Jek: Pơblang