VOV4.Jarai - Ƀơi mông ngă bruă mơguah lơ 23/4 hăng ƀon prong Hồ Chí Minh kơ bruă pơgang klin Covid-19, Kơ-iăng khua dêh čar ơi Vũ Đức Đam git gai ling tơhan apăn bruă hyu tir hloh amăng hrơi ngă lơphet pơ anăp, wai lăng ƀing mut rai ča čot amăng dêh čar ta, ăt kah hăng bruă gôm bô̆ ƀơi anih hơmâo lu mơnuih đah mơng dưi pơgăn klin lar hyu. Pơhiăp git gai ƀơi mông jơnum, Kơ-iăng khua dêh čar ơi Vũ Đức Đam lăi, ƀon prong Hồ Chí Minh dưi pơgang laih klin Covid-19 hăng lu hơdră pơgang klin phrâo, nao hlâo amăng dêh čar ta. Khă hnun, rơwang hrơit tơjuh rơgao, kual Châu Á đĭ 34% mrô mơnuih ƀă klin Covid-19, hơdôm boh dêh čar amăng kual lêng hơmâo lu mơnuih ƀă klin, ƀon prong Hồ Chí Minh lĕ anih amuñ hơmâo klin biă mă, mơnuih ƀon sang mơng djŏp anih nao lu biă, yua hnun kiăng wai lăng kơjăp, biă ñu hăng mơnuih mơng tač rơngiao mut nao. Kơ-iăng khua dê h čar ta git gai kiăng hyu tir, wai lăng klă hloh dong hăng ƀing mut nao rai amăng dêh čar ta, ăt kah hăng bruă gôm ƀô̆ lơ̆m tơbiă gah rơngiao đah mơng pơgăn klin lar hyu.

Siu H’Mai: Pơblang