VOV4.Jarai - Tlam lơ 6/4, Khua pơ ala mơnuih ƀon sang dêh čar tŭ ư tơlơi pơsit ruah Kơ-iăng khua mir sir Cộng hòa xã hội chủ nghĩa Việt Nam rơwang thun 2016-2021. Tơlơi pơsit anai lăi rơđah Khua mua pơ ala mơnuih ƀon sang dêh čar tal 14 ruah yă Võ Thị Ánh Xuân, Ding kơna apăn bruă Ping gah, Khua git gai Ping gah tơring čar, Khua Grup pơ ala mơnuih ƀon sang dêh čar tal 14 tơring čar An Giang, brơi ngă Kơ-iăng khua mir sir dêh čar ta rơwang thun 2016-2021. Yă Võ Thị Ánh Xuân tơkeng lơ 8/1/1970, ƀơi să Thới Sơn, tơring glông Tịnh Biên, tơring čar An Giang. Bruă ñu hrăm: Cử nhân Khoa học, gah anih hrăm nai pơtô Hóa Học; Thạc sỹ bruă Wai lăng bruă kơnuk kơna. Yă Võ Thị Ánh Xuân lĕ Ding kơna ƀu sit nik mơng Ping gah dêh čar tal 11, Ding kơna apăn bruă Ping gah dêh čar tal 12, 13; mơnuih pơ ala brơi mơnuih ƀon sang dêh čar tal 14.

 Khua git gai pơ ala mơnuih ƀon sang dêh čar ơi Vương Đình Huệ hơ-ơč hmưi kơ yă Võ Thị Ánh Xuân.

Siu H’Mai: Pơblang