VOV4.Jarai - Tơlơi pơhing yang hrơi dong lơ 11/5, mơng Ding jum ia jrao brơi thâo hơmâo 18 čô dong ƀă klin Covid-19, amăng anun hơmâo 2 čô hơmâo ba pơčlah hlao mơtăm yơh, 16 čô ƀă kman amăng dêh čar ta lĕ ƀing hơmâo dŏ pơčlah hlâo kơ anun laih, anih hơmâo guang dar. 2 čô hơmâo ba dŏ pơčlah hlao mơtăm tơdơi kơ mut rai amăng dêh čar ta ƀơi Đồng Nai.16 čô mơnuih ƀă amăng dêh čar, amăng anun hơmâo 10 čô ƀơi Bắc Giang, 2 čô ƀơi Hà Nội, 2 čô ƀơi Quảng Trị, 1 čô ƀơi Bắc Ninh hăng 1 čô ƀơi Hải Dương. Yap truh 12 mông lơ 11/5, Việt Nam hơmâo abih bang 2.071 čô mơnuih ƀă kman amăng dêh čar, hăng 1.436 čô mơnuih mơng tač rơngiao mut rai. Mrô mơnuih phrâo ƀă yap mơng lơ 27/4 truh ră anai lĕ 501 čô. Khua ding jum ia jrao ơi Nguyễn Thanh Long pôr pơthâo, amăng hrơi mông hơmâo klin Covid-19, khŏm lăng bruă pơčrang kman lĕ sa amăng hơdôm bruă yôm phun, kiăng ngă ječ ameč. Khua ding jum brơi thâo dong, ƀing ta dŏ amăng rơnoh tơlơi hŭi rơhyưt kơtang laih anun amuu hơmâo virus lar hyu kơtang.

Siu H’Mai: Pơblang